清萊長頸族村

清萊長頸族村 Karen Long Neck Villages

泰國北面與緬甸連接，有很多少數民族為了逃避戰亂而來到泰北邊境  

所以在清邁和清萊有不少景點是去參觀少數民族村

從黑屋渣車黎要15分鐘  

入口附近有一個很大的停車場

 

泰北的少數民族當中，以長頸族最為人熟悉   

 

除了長頸族之外，呢度仲有大耳族、亞卡族、傜族和拉胡族

 

 

要買入場卷，冇記錯好似係400泰幣

 

 

跟著指示逆時針行就會經過5個部落

 

 

先拿取一支長竹條，唔係驚有山豬/山賊自衛用，係為左方便行

 

 

路有點難走，感覺像去了荒山野嶺

 

 

行左十幾分鐘，來到亞卡族Akha Village  

 

 

亞卡族人的特徵是黑色的牙齒，他們認為將牙齒塗黑就是美

 

 

看到遊客會不停招手叫你過去，好似去左商店街....

 

 

有遊客捐錢，就會召集所有人黎表演唱歌

 

 

來到傜族，見唔到有人擺攤檔，只見到有D人坐係屋外面

 

 

 

可能時間太早，暫時只遇到幾個遊客

 

 

 附近應該有拉胡族Lahu Village，但見唔到有人...所以冇相....

 

Kayaw and Palong Village 又名大耳族  

她們認為耳窿愈大，就愈長命 

所以從小開始就戴超重的耳環將把耳窿撐大

 

曬衣服...看來應該真的有人係度住

 

 

特徵除左大耳窿，仲會係臉上畫上彩繪

 

 

大耳族之後就係長頸族

 

 

在長頸族的文化中，女孩子9歲開始就要戴上金色頸環  

 

每兩年要增添多一個頸環，直至25歲或結婚為止 

 

 

傳說金色的頸環代表美麗，頸環越多和頸部越長就越靚

 

亦有說法是為了防止給山上的老虎襲擊咬頸才戴上頸環

 

 

科學家話長時間承受過重的頸環會把肩膊的骨壓下  

 

視覺上就覺得條頸長左

 

 

前鋪後居，前面擺檔賣紀念品，後面就是居住的地方

 

 

可以戴上假的頸環和她們合照

 

 

有外國人話呢D民族村係human zoo，呢度D人好似動物咁比人參觀，不人道...  

 

不過我親身遊覽後，完全唔覺得有動物園的感覺  

 

至少我看到他們可以自由出入，隨處走動...

 

不過他們是難民身份，政府不容許他們離開山區去城市打工  

 

所以他們只可以靠售賣自己製作的飾物賺取生活費  

 

雖然有傳真係係度住只有少部份族人，大部份年輕的少女只是黎返工...