2017年6月23日 星期五

泰緬邊境最高點觀景台


泰緬邊境最高點觀景台 The Highest Peak in Doi Nang Non  

原本計劃今日早上去指天山和指星山看日出

不過渣車要4小時車程,來回就要8小時...只係想想已經覺得辛苦  

加上我架車馬力有點弱...尋晚訓前都係決定放棄唔去

根據其他人的經驗,多數都係山下住宿一晚,然後凌晨上山  

唯有留待下次再來清萊先去...  

今日只去一個景點,可以慢慢Hea食早餐了


 
早餐的食物偏向西式
 












 
食飽就係附近行下,順便呼吸新鮮空氣
 


 
泰國與緬甸連接的邊境,泰北的最高點  
 
唔好貪玩隨便越過圍欄,唔知係邊的狙擊手會向你開槍的...
 


 
泰緬兩個關係不算太好,到現在還保留戰壕  
 
附近還有軍人站崗,因為有毒犯會從緬甸運毒入境
 


 
有cafe小店,坐係度飲杯茶,吹吹風、睇風景,都唔錯
 
 
到達這裡前有一個驚險事要說說  
 
因為山上接收訊號不太好,我的車來到這裡,google map顯示要再往前走 
 
咁我繼續向前走,遇到站崗軍人問我是不是去美塞
 
我懶得解釋就話係,佢就比我走 
 
走了十多分鐘發覺有點唔對路 
 
原本馬路變成山路,再看看google map原來我已經過了目的地... 
 
正常是要掉頭,不過當時的路好窄,而且旁邊是山崖...  
 
好驚唔夠位掉頭,會跌落山...  
 
唯有繼續向前行,肯定夠位先掉頭
 
返到站崗,見到渣住AK47的軍人走來問我為什麼回來...  
 
唯有跟他說我搵緊呢個景點  
 
見到其他軍人用相機影我架車  
 
之後先放我走...
 

4 則留言:

  1. 風景好靚,不過唔識路真係幾危險><

    回覆刪除
    回覆
    1. 比google map老點﹐仲要架車得返2格油...

      刪除
  2. Google老點係平常事。不過AK47先戥你一把汗...

    回覆刪除
    回覆
    1. 去旅行好少會見到軍人,真係驚驚地

      刪除