草津温泉湯畑、柏香亭蕎麥麵

草津温泉湯畑、溫泉街、柏香亭蕎麥麵  

先放低大行李放係酒店，帶個背囊輕裝出發去草津 

 原來JR上野站內好多賣便當的店鋪，坐幾個鐘車唔驚會肚餓

 

從東京去草津有3個交通方法  

 

坐新幹線去輕井澤，再坐巴士去草津  

 

或者坐高速巴士直接去草津  

 

而我就用比較方便的方法，用JR東京廣域周遊券3日卷  

 

坐ＪＲ特急草津，從上野去長野原草津口，再坐接駁巴士

 

我的早餐，紅豆燒餅+玉米湯  

食完再訓兩個幾鐘就到長野原草津口

 

3架接駁巴士已經係站外等候，估唔到平日都咁多人去草津，真係大人氣...

 

JR PASS不包括巴士車費，大人710yen，落車比現金 

如果要用電子卡，上車同落車要啪一下感應器

大約20分鐘到達草津巴士站，地上已經有指示去湯畑

先去柏香亭食飯，去到時門外個牌寫著"完結了“.....  

唔係掛...已家先1點半，咁快就賣哂....

真係冇諗到會食唔到  

黑仔到仲開始落大雨，唯有企係門口開google map搵下附近有咩食 

有位伯伯食完出黎，見到我企係到唔知等乜，以為我唔識睇日文  

就幫我通知入面店員，店員見到我只有一個人，就比我入去... 

堅好彩，差d食唔到

Menu只得一張紙

右邊係冷食蕎麥麵，價錢只分份量  

左邊係有熱湯的蕎麥麵

 まいたけ天ぷら 炸舞菇係草津名物，好多人黎草津都會食

香蔥和醬油

單點もりそば (最小份量的蕎麥麵)

另外再單點的炸舞菇，香脆可口，好食

個人覺得，冷食的蕎麥麵比有熱湯的好食

差唔多食完時，店員放低個茶壺，我以為係熱茶

店員見我個樣呆下呆下，就比呢這張紙  

原來係煮過蕎麥麵的湯，倒落醬油度飲...  

不過好咸，飲左兩啖就放棄了....

食飽出黎，連雨都停埋

草津溫泉連續16年獲得日本溫泉100選第一位，真厲害  

湯畑是草津溫泉的源頭，每分鐘湧出水量大約5000公升

呢個好似係泉水的源頭

聽說中間的大木盒是讓泉水降溫，再輸送去附近的溫泉酒店

 

水底好多白色的粉粒，應該係泉水的礦物質

包圍湯畑兩邊都係手信店、餐廳和小型旅館

 

以為平日會冷冷清清，但遊客比想象多  

 

如果是週末紅假，應該會超級多人水泄不通...

 

食串燒的靜貴娘，4點先開

隔離燒肉吾妻，就好多人排隊

熱乃湯，都係草津的熱點

已經睇過網上相片，大約知道係睇咩 

我興趣不大，所以冇去睇  

不過現場超多人排隊

見到黑色招牌的7-11，以為係山寨版...  

原來日本有景觀法，為了避免破壞當地的景觀，會要求商店招牌的顏色不可以太鮮艷

旁邊就係溫泉街西之河原通入口  

湯畑人多熱鬧，反而行溫泉街的人唔多，有d冷清

呢間商店門前有個溫泉井

個溫泉蛋幾好食

溫泉街都幾短，15分鐘就行完，再向前行就係西之河原公園

返去湯畑

海報是一個大大的饅頭，但現實就... 

皮很薄，內餡是滿滿的紅豆，都幾好食

行去溫泉酒店途中，見到有布丁，買左兩個宵夜食...