芭提雅沙灘, Yum Saap, Walking Street, Bell Travel 23/2/2015
結束4日曼谷之旅後,就出發去芭提雅
人多的話包車最方便,但只有我自己一個人,包車不划算
但拉住行李坐巴士都幾麻煩
所以我選擇用Bell Travel 去芭提雅
首先佢會派小巴來酒店接你,之後再轉坐大巴去芭提雅,十分方便
出發前要先在官網預約同比錢,仲可以選擇大巴的座位,成功後會收到email
從曼谷去芭提雅費用 $345泰幣
等Bell來接我時係大堂影相
Bell的職員會拿著名單核對你個名,行李會貼上貼紙
小巴會順便接埋係附近酒店的乘客,之後就一齊去Bell的總站
來到總站後會再比車票你
就係坐呢個大巴去芭提雅
大巴差唔多全部滿哂,有好多韓國人
到達後再轉坐小巴去你入住的酒店
我入住的酒店係Siam@Siam Design Hotel Pattaya,下一篇會再詳細分享
酒店對面就係小型商場Cental Center
入面有Super C 大型超級市場,應該係芭提雅最大的超市
有D餓,求其係商場內的日式餐廳食拉麵
一碗拉麵,汽水+餃子只是100多泰幣,價錢已經反映味道好唔好食....
酒店的前面和後面各有一間浴室
基於男性天生的好奇心,我就入去睇o下有咩特別
行左一圈,唔使3分鐘,我要即刻逃離現場,媽呀,好恐怖呀...:'(
第一天係芭提雅先係街上行o下
馬路兩邊有好多呢D露天酒吧
係芭提雅的酒吧比7仔仲要多
芭提雅主要交通就係雙條車Tuk Tuk,只要揮手佢就會停車
直接上車就得,落車比10元泰幣(一個人)
只有一次被騙要比20元...
但不要告訴司機去邊度,佢會以為你想包車,車費貴十倍的
車上有其他乘客才上車,空車的佢都會以為你想包車
大部份雙條車主要行車範圍是從Beach Road的 A點 到 B點walking street入口 (從北到南),不論係邊度上車同落車都係10泰幣
Second Road則是從 C點 到D點海豚迴旋處 (從南到北),兩條馬路都是單線行車,逆時針行駛不斷循環 (A>B>C>D>A)
係芭提雅睇人妖show最出名的Tiffany Show,外型好似皇宮
海灘路最北處,海豚迴旋處,斜對面有Lets Relax 按摩店
大部份雙條車會係呢度轉去沙灘一路(Beach Road),少部份會向北去更遠的地方
係車尾可以企,好安全的完全冇危險
基本上沙灘路都係直路一條唔會轉灣,唔使驚掟灣會掉你出車外
來到沙灘一路(Beach Road),面對著大海灘
芭提雅都係好熱,不過有海風吹著,舒服好多
呢個沙灘環境不太美,水也不清,所以遊客不太多
沙灘上的沙灘椅都要比錢的,大約100泰幣可以坐成日
唔想比錢就自己帶毛巾來訓係沙灘上
馬路旁邊有好多酒店,來芭提雅事前只需要買一張機票,來到後先搵酒店都冇問題
見到咁多椰子樹,我以為去左夏威夷
除左雙條車,可以自己租電單車週圍去
泰國一年只有一季 ~ 就係夏季
想一年365日享受陽光與海灘,來芭提雅就對了
5星級Hilton大酒店,房價超貴,我住唔起...
酒店下面就係Central Festival,係芭提雅裝修最靚最大最高級的商場
晚餐去 Yum Saap (陰濕!?)餐廳食泰菜
唔想再飲暖的椰子水,點左椰子冰
我記得我係點大蝦沙律的,但呢個點睇都唔似沙律...
點菜時店員問我要不要spicy,我初時聽唔清楚以為佢問我炒河要不要辣,我就話唔要
原來佢係問我炒菜,唔怪得碟菜的醬汁甜甜地....:~
泰式大蝦炒河
又係便宜的一餐,約7X港幣
芭提雅最有名的紅燈區 Walking Street
雖然佢係紅燈區,但就不用擔心安全問題
因為路上有很多警察巡邏
而且都有好多旅行團來參觀
Walking Street大部份都係飲酒的Agogo Bar,門口有好多辣妹/人妖拉客
請問你係唔係上網book bell travel?
回覆刪除係, 要去bell travel個網book
刪除