Rote Yiam Beef Noodle Chiang Rai 29/1/2017
起身後,早餐都冇時間食就出發去機場
過左返工時間,冇乜人的Makkasan站
順利登機後,70幾分鐘航程都有飛機餐食,一個麵包和一支水
差唔多到達機場時,係窗口見到清萊最大的地標-超巨大觀音像(中間白色個個)
內陸線不用過海關,直接去大堂取行李
機場非常細,冇記錯只得地下一層
機場大門入口就有X光機檢查行李
找換店匯率不錯,港幣換泰幣 4.45
原本計劃第一日就租車去酒店,但出左意外租唔到車
已家要坐的士去酒店,明天要再返黎機場取車
幸好今日plan左只係市中心行下,冇車都唔會影響行程
機場左手邊3號出口就係的士站 不論去市區邊度,費用都係180泰幣
(有D貴,唔知係咪農曆年假期關係所以咁貴!?)
話比佢聽酒店個名後會比張單據你,單據比的士司機,落車比錢
到左酒店check in,間房仲未準備好,咁開始週圍行下先
市中心地標- 鐘樓
路上看到一日團的廣告牌
酒店附近橫街有一個小小的生果市場
係google地圖搜尋是叫Sirikorn Fruit and Vegetable Market
有好多生果買
見到7-11買左D日用品外,仲要買非常重要的東西~驅蚊水
山區地方堅多蚊 仲好毒
午餐去左網上好似好出名的Rote Yiam Beef Noodle
好奇怪,門口冇英文和中文名,差D搵唔到...
老店多數冇冷氣的,好鬼熱...
餐牌只係得呢張紙
中間100B的唔知係咩黎,我驚係內臟唔敢叫,叫左80B的鮮牛肉
仲叫左支好似菊花茶的飲品,好鬼甜...
唔怪得會比杯冰你...
開店時間早上7點至下午3點,過左午飯時間,冇乜人冷冷清清...
牆上掛左好多相,見到一個好似係走左佬的他信總理
個湯幾好飲,有點似食越南牛河,不過牛肉唔係薄片牛肉
咬落去好有口感(好un)...
個湯好似好得。清萊興唔興食雞飯呢又?
回覆刪除等睇白廟。
週圍唔多覺有雞飯食...
刪除白廟要等多2日先有得睇
睇餐牌,我只敢叫beef ball noodle
回覆刪除早知我都叫beef ball
刪除