凍我唔死的藏王樹冰之旅

 

自從疫情開始後﹐已經幾年冇去過日本

不過最近yen跌到5算﹐冇辦法點都要再去一次

這次去東京藏王﹐冇特別plan行程搵景點﹐只係上網搵資料點去藏王

成個行程主要行下街﹐食下野﹐按下摩為主﹐blog都冇打算寫

不過去藏王後有d野想分享下﹐所以返黎就簡簡單單寫個遊記

係東京冇咩特別﹐先寫去藏王

原本想係藏王搵酒店﹐以為好易搵到房﹐點知好爆好FULL

連民宿都比滑雪友book哂﹐唯有係JR山形站附近搵酒店

山形站前大和 ROYNET 酒店﹐呢建酒店幾新幾大

價錢同係東京酒店差唔多﹐但間房大一倍

行去巴士站3分鐘﹐坐巴士直去藏王都方便

巴士站有去藏王同纜車套票 6600yen 

車票頭尾是來回山形站巴士票﹐中間是去到纜車站換票

如果人多﹐可以坐的士去藏王﹐只係貴少少

去到藏王巴士總站﹐要再行十分鐘去纜車站 

注意一下藏王有3條纜車線﹐最右邊才是去山頂的

寫左咁耐﹐終於有相睇了 😁

 

就係呢個藏王山麓站

 

11點去到龍尾已經去到呢度

排隊時有工作人員問你有冇買票, 之前巴士站買的票比佢﹐佢會比纜車票你﹐唔使入去換

唔好見條龍唔係好長﹐我排左2個鐘先上到纜車

 

 

罰企兩個鐘時﹐我在思考點解要排咁耐

第一﹐它只有左右兩邊兩部纜車

第二 ﹐原來它有優先票賣和團體票﹐可以唔使排隊直接上纜車。。。

我等平民就係比他們不停插隊﹐所以先要等咁鬼耐

 

 

第一架纜車是去樹冰高原站﹐之後再轉纜車上山頂

呢個是用循環線有十幾部纜車﹐就算人多我都未見過要排隊

上到山頂先去天台觀望台

一行出去﹐嘩!!! 大風到企都企唔定﹐大雪到又乜都睇唔到

頂唔順﹐落返去出站

 

 

我睇其它人遊記﹐都係出太陽風和日麗的天氣﹐現場環境好靚好壯觀

不過其實一個月只有3,4日先會有好天氣

其它日子都係大風雪﹐乜都睇唔到

 

 

跟住呢班滑雪友行遠少少

如果識滑雪﹐由山頂滑落山腳應該好爽

 

 

乜都睇唔到﹐返去纜車站附近睇下樹冰 snow monster

 

矇查查睇唔清楚係現場視角

P走大風雪﹐原來好大舊

 

離開前去樹冰高原站外面行下

好明顯山頂和山中間係兩種唔同天氣﹐天與地的感覺

 

雖然冇樹冰﹐但都有樹和雪睇下

 

這是坐纜車上山頂時拍的片

我預留6日在藏王﹐只要其中有一日係好天氣就夠了

但最後 當然 結果 就是﹐沒有...

第2日行到去巴士站﹐見到呢張紙﹐我嚇左一嚇

 

 

上官網check下發生咩事

原來太大風﹐上山頂的纜車唔開﹐但樹冰高原站可以上去

冇plan B冇其它地方去﹐唯有照去

山頂唔開﹐少左一半人排隊﹐但都要排一個鐘...

去到高原站﹐望下D樹﹐望下D雪

食個LUNCH之後就返去山形

 

 晚上看新聞﹐原來日本東北出現百年一遇的暴風雪。。。

山形的警告是紅色級別。。。

第3日山頂依然沒有開放 

到了第4日終於開了﹐即刻衝去巴士站

一到山頂﹐即刻衝出去...

 

WOW...好爽呀﹐又好痛

超級大風﹐d雪粒打落塊面度好鬼痛

氣溫一定零度以下﹐冇負十都起碼負7度﹐企耐少少我自己都變成人冰。。。

 

頂唔到3分鐘﹐要入返站內解凍

我對普通手套﹐塑膠位真係凍到變硬左

 

原本行3分鐘可以見到藏王專者﹐我行十分鐘都行唔到去

 

雪好深﹐一踩落去差不多半隻腳﹐去到膝頭

聽前面的人講﹐藏王菩薩已經係雪入面冬眠﹐只係睇到少少頭頂

 

經過我7進7出之後﹐勉強習慣了外面的溫度

拍左兩條片留念

 

 

離開錢又影下睇唔清楚的樹冰

 

原本計劃星期日﹐一早坐新幹線去東京﹐ 再去機場返香港

但今日新幹線去東京已經停左成日

星期日新幹線會開返係未知數﹐上日本谷問下人意見

最後都係決定提早一日離開山形 

去巴士站坐高速 巴士去仙台﹐再坐新幹線去東京

新幹線停左﹐原本好少人排隊去仙台的巴士爆哂

我都等左3架車先上到巴士

去到"仙台站前"我見到好多人落車﹐我又跟住落

望住好大個的仙台站﹐我好瀟灑的行過去

行左15秒﹐我的第六感突然覺醒

我唔記得取行李。。。好彩巴士仲未走

坐係新幹線個心定左少少﹐上網搵東京酒店

想搵東京站附近﹐2萬YEN以下都冇乜選擇

想試下住太空囊﹐但見評論又麻麻

最後搵左人形丁附近的APA酒店﹐都要18000yen一晚

check in 時﹐逼我要社長的自傳DVD比我。。。

 

起身睇新聞﹐山形去東京的新幹線要停半日。。。

而巴士站去仙台的人龍大爆開﹐提早離開真的是正確決定

國泰的飛機餐﹐個冷麵幾好食

 

 

藏王之旅終於寫完

分享下係日本食過乜野

山形巴士站樓上的米沢牛の案山子 

山形最出名應訴是食米沢牛﹐我見好多餐廳都有

 

山形站入面的餐廳﹐最上亭(もがみてい)

有我喜歡食的鐵板燒

 

東京的無敵家

糖心蛋好食﹐麵條OK好食﹐湯冇以前咁咸﹐但叉燒差左

 

 

唔記得邊度食的鰻魚飯

 

築地食的親子丼

 

秋葉原丸五的豬扒飯

 

 かいか 銀座

 

築地脂國海膽飯

 

築地的すしざんまい

toro有筋...呢間麻麻地