根室花まる，すき焼三光舎，札幌稚内通宵巴士

根室花まる，すき焼三光舎，札幌稚内通宵巴士  

係大阪第一日同最後兩日都係住宿御堂筋ホテル  

雖然只係普通3星酒店，但地理位置優越  

附近已經有商店街，旁邊就係難波地鐵站

行去心齋橋唔使10分鐘，過一條馬路就係南海電鐵  

呢次北海道之旅又搵到新優點  

就係不遠處(步行約5分鐘)有利木津巴士站去大阪(伊丹)機場

自從關西機場啟用後，伊丹機場便轉為只飛國內線  

可惜沒有去關西機場 (個站好似係JR難波站附近)  

如果有IC卡，可以上車時啪卡比錢，唔使買車票

 

就係三井住友對面，唔難搵

 

 

 大約20分鐘就到達機場

 

行李係大堂過X光機，仲出埋行李bar code，但好似日本國民先得﹗﹖

 

 

機場不大，但有多間餐廳和商店

 

 

4樓有展望台

 

 

太陽好猛，睇左一陳落返大堂涼冷氣

 

 

90多分鐘就到札幌，飛機餐有一杯汽水和一粒糖..

 

 

離開機場前，先寄行李去5日後才入住的民宿  

 

係利尻禮文島5日4夜只帶一個背囊  

 

去完之後覺得帶埋行李都唔會太麻煩，因為係島上有租車週圍去

 

 

問好多人札幌去邊間食壽司好，大部份人都推根室花まる  

 

就係Stellar Place 6樓，過左食飯時間，唔多人排隊

 

 

我以為搵店員落單，原來檯上有張紙

 

寫號碼、數量、要不要wasabi，再交比師傅

 

 

只係食左8碟，大約2200日元  

 

價錢係好平，不過魚生好普通，只係好食過香港爭鮮和元氣少少

 

 

之後就去大通巴士中心買車票  

 

睇過blog友遊記知道可以從札幌坐通宵巴士去稚内

 

而且去到先買車票都得，咁就可以慳返一晚酒店錢

 

不過我睇佢網頁，話車票係完全預約制

 

http://www.hokto.co.jp/b_wakkanai.htm 

 

直至出發前一星期，突然覺得上網book左先比較安全 

 

如果去到話賣哂冇得坐，咁就大檸樂...

 

不過個日只有下午班次可以預約

 

晚上11點的竟然沒有...唔通已經爆左!?     

 

之後搵白金秘書打電話去問下，仲買唔買到車票

 

聽人用白金秘書就多，自己就未試過

 

去白金秘書網站填資料，等左幾日都冇聲氣...

 

直接打hotline，佢個office唔知係邊

 

好似十幾年前打長途電話咁，好窒聽唔到佢講乜

搞左一大輪，最後話幫我即刻搞，聽日email覆我

好彩最後都幫我訂到車票，之後都有用白金秘書book日本餐廳 

 

巴士出發前2小時，要去巴士中心比錢和取車票  

 

仲有6粒鐘，先去行下商場，跟住去三光舎食晚飯 

 

 

一個人當然唔會叫呢D貴價套餐

 

 

叫左4700日元的"特" 特選牛壽喜燒

 

 

店內大部份都是包廂的，冇預約散客就安排坐呢度

 

 

兩大塊黑毛和牛

 

 

第一塊店員會幫你煮

 

 

發覺壽喜燒食牛肉不太適合我，汁太甜了，食唔到牛肉的味道

 

 

食飽係薄野附近行下，呢間酒吧的女侍應全部都係著兔女郎裝

 

如果識日文，我會入去坐下...

 

 

之後返去巴士中心，以為平日唔會太多人坐通宵巴士  

 

目測差唔多9成滿，見到有3-4個空位  

 

巴士座位是1-1-1，感覺還算舒適

 

 

可以拉上簾布，睇愛情動作片都冇人知

 

 

座位旁邊有USB制，通宵玩手機唔使驚冇電

 

開車後巴士只有超弱冷氣，唔知係咪行高速公路，好多時感覺好震好搖...  

 

基本上係訓唔到，大部份時間都係半睡半醒...