台場teamLab Borderless數位藝術美術館

台場teamLab Borderless數位藝術美術館   

食飽後就出發去台場，係呢次旅程重點之一
   

到達新橋站後，再轉乘ゆりかもめ百合海鷗線

最後都係冇時間去睇高達，唉...

青海站落車，行入去Mega Web Toyota汽車展覽中心

teamLab無界入口就係摩天輪平台旁邊

可以係出發前2個月，係官網預先購買門票，前一日QR CODE先會send去你個email

從出發到呢一刻，我一直以為有門票，就可以隨時進入會場

但當我去到見到呢條人龍時，我個樣即刻變左「黑人問號」

點解有人排緊隊，點解我要排隊..!???

是不是現場買票的人先要排隊

問左工作人員，你買咩票都係大家一齊排隊的...(暈)

最後排左30幾分鐘先去到入口..

大背囊、大包包、腳架等等要放入Locker，請自備硬幣

企到腳軟，終於可以入去...

進入後現場漆黑一片，真係伸手不見五指，只有微弱的光線

場地真係好大，雖然人好多，但唔會有人逼人的感覺

場內好似一個大迷宮，沒有明確的指示你係邊度，或者邊個區域係邊度，完全要靠自己慢慢去探索

有些展區十分隱蔽，如果唔係有人走出來，好難估到呢個係入口

場外要排隊，場內有些展區都要排隊，而且排隊時間都幾長...

第一個遇到要排隊的是Floating Nest，就咁睇名好難估到係睇咩...

排左30分鐘，訓係一個大魚網上面，睇360度的燈光投影

老老實實係幾好睇的，但要排30分鐘只睇3分鐘的燈光投影，真係唔太值得...

之後行到呢區是利用大量LED燈製造的水晶迷宮，燈光好好睇，最重要係唔使排隊

第2個遇到要排隊叫Forest of Lamps，又係要排30分鐘

內心有點掙扎仲排唔排，最後都係排...

苦悶的30分鐘終於過去，進入一個大約500多尺的房間   

掛滿左好多大燈泡，會隨著時間變換顏色

有工作人員計時間，大約5分鐘後會叫大家離開

又中伏了，如果早知道係睇燈膽，一定唔會浪費時間排隊...   

除左地下，仲有2樓，叫運動森林   

地板高高低低的，頗特別   

比較適合小朋友，地下一樓比較靜態，呢度則比較動態

彈跳床，跳上跳落會有燈光效果

繪畫區，你的大作會投影在旁邊的牆上

如果冇記錯，好似摸下個波會變顏色

投影滑梯，見到好多小朋友排隊玩

原本打算逗留3小時，最後差不多4小時先捨得離開