親子丼 伊勢ろく、築地鮨國海膽飯
訓醒第一時間開電視,新聞話颱風已經離開左東京
從昨晚到現在,我好有信心今日可以順利返香港
打開手機航空公司個app,check下航班有冇delay
奇怪了,點解我個電子登機證唔見左....尋日check in仲有的...
突然有不好的預感...
有新的電郵,它說"你好,你的航班已被取消了"...
真係晴天pig pig,做乜班機會取消的...
真係不知點算好,唯有問朋友,上網搵資料睇下可以點搞
係hke個網亂click,搵到條link話可以免費安排"最快"班機離開,咁就中伏
10分鐘後收到email,話4日後有位比我走...
我心諗你唔好耐d,不如下星期啦,痴痴地架...
開返佢個死人app,見到3日後有位,不過要比錢改....
正PK垃圾,明明3日後大把位都唔比我,係要你比錢改
搞左成朝,最後都係比錢早一日走,無啦啦唔見左$1200...
搞完機票,又要搵酒店
被逼滯留東京3日,都唔知係好定係壞...
後記,返香港即刻搞保險
最後只賠Travel Delay $1850,但我機票加酒店差唔多要$4000...
颱風離開後,天氣好到不得了,但我的心情有點沉....
雖然心情麻麻,但都要食飯的
阿美橫丁都回復正常了,人來人往
見到伊勢ろく特價午餐親子丼好似幾抵食
幾好食,雞蛋好滑,不過雞肉得兩舊,下次都係食正常版
懶得搵都係住返生命之樹,再入住因為房內有洗衣機...
唔洗衫真係冇衫著
因為即日訂好貴,頭兩日住大房要27,700yen
得返好少現金,要去禁錢
見到銀行有International Card的標示,提款機可以禁現金
都試過係7-11提款機禁到現金
晚餐去築地的鮨國
原來夜晚好少人,完全唔使排隊
滿滿的海膽,心情終於好返少少
唔夠飽叫隻燒蠔食
咁我都算好彩,17年打緊風都仲飛到返香港(搭香草)。18年關西空港封閉全數退款(Jetstar),之後轉去UO飛九州,回程前一日係香港山竹,早兩日航班全部取消。我都驚返唔到香港,好彩只係delay幾個鐘,仲要一早email通知咗,可以喺福岡行下街,唔使喺機場呆等。
回覆刪除最衰日本機場,13號咁好天竟然取消所有航班,比佢玩死
刪除我朋友今年兩個風都食正,好彩都用mileage換到機票第二日走。UO就全數退款,連埋保險佢都無乜蝕。
刪除唔知係咪你講呢日,佢都話有日風走咗市區好好天,但原來通去成田條路未通番。佢都响京成上野站撞到好多好無耐嘅遊客,話skyliner網頁無話停駛。
我10月13
刪除咁最後都係自貼二千幾蚊,都算OK啦,以前無廉航果張單程機票點止呢個價:P
回覆刪除我以為會賠足架,哈哈哈
刪除delay or 無可避免之額外交通及住宿費用只會賠一樣,自己重新買機票不構成"無法避免"而產生的交通費,所以佢只當delay claim,
刪除如果想claim足(即係賠酒店錢),就要接受航空公司安排的機位然後就可以claim住宿費直到上限為止:p
保險好奇,我朋友兩次関東打風都中。一次攞咗skyliner停駛證明去唔到機場但飛機照飛,一次係UO停航。佢兩次都好彩用mileage換到第二日飛。結果係賠酒店房錢。因為唔知保險公司點玩法,佢唔敢訂太貴嘅房,結果兩次都呻笨,話早知book間貴。
刪除你朋友賠酒店錢係賠足? 應該有上限
刪除賠足啊。不過一晚房,萬零円啫。有一間佢第二朝加咗早餐,保險公司都話唔包。
刪除