在東京遇上最強颱風哈吉貝的一天
睇新聞哈吉貝會係晚上最接近東京,所以今日冇地方可去,唯有留係酒店發呆....
早上已經開始落大雨
酒店餐廳仲有開,如果出面冇餐廳開,都可以返黎食lunch
但晚餐呢...
記得JR上野站有間超市,點知黎到成個車站的商店一間都冇開....
冇辦法,唯有去吉池超市博下佢有開
太幸運了,真係有開,今晚晚餐有壽司食,幾驚今晚要食自己....
仲買左水果
晴王好貴...個樣仲唔多新鮮
解決左晚餐的煩惱,返去阿美睇下邊間餐廳仲有開
行左一圈,得2、3間餐廳仲有開
冇咩選擇,唯有再去鳥道酒場食串燒
雖然電視有警告不要外出,話會死幾千人...
但我見街上幾多遊客行黎行去,大部份都係鬼佬...
食飽就返酒店
其他店都唔開,得呢間謎之店仲開...
打風冇野做,係屋企睇碟好正常的...
.
睇電視新聞,靜岡好似特別嚴重
晚上無聊係酒店門口睇d雨有幾勁
新聞話颱風明天早上會離開東京,咁我明天下午坐飛機返香港應該冇問題啦...應該...!??...
兩年前10月我最後一天喺東京又係遇上當年最強颱風
回覆刪除打足成日? 有冇出街食飯
刪除我搭夜機走,喺個風最接近晚時候。嗰日落足一日雨,我喺築地食午飯,然後行商場。
刪除睇碟嗰段笑死我嘞!
回覆刪除間間都唔開,得佢有開,日本仔真係...
刪除呢個最強颱風哈吉貝, 連我個女都話佢要執定嘢準備去避難所, 好彩最後都唔駛去.
回覆刪除去避難所咁誇,佢住邊度
刪除佢住埼玉, 附近有條河川可能會氾濫, 所以政府勸居民到避難所暫避.
刪除