民宿やざわ 礼文島

民宿やざわ  

食飽飯就係附近行下，除左民居同商店外都冇乜特別野睇

而且開始落雨，唯有早點去民宿，睇下可唔可以提早check in  

記得民宿就係碼頭對面附近，但行左一圈都搵唔到  

開google map定位，應該呢個就係民宿，但屋外面點解冇民宿個名!?  

直覺佢似倉庫多D，唔通民宿已經執左...???

 

見到旁邊門口打開左

 

 

行入去見到咁多鞋，應該冇搵錯了

 

 

民宿主人是一位大叔，英文溝通不能  

 

和他說英文，他都是日文回答  

 

係利尻和禮文島幾日，大部份居民都不太會說英文...  

 

check in時，大叔非常緊張地講晚餐係6點半  

 

因為非常重要，所以他講左三次以上，勁驚你聽唔明...  

 

打開房門，原來係日式榻榻米的房間  

 

印象中，第一次住呢種房間，係幾年前白川鄉的民宿，但間房大好多

 

 

雖然間房比昨天北國的細，但就光猛好多

 

 

間房咁細，一泊二食都要12,000日元

 

夏天來禮文島，住宿費真的非常可怕...

 

 

簡樸的房間，沒有多餘的傢私設備

 

 

暖爐是用火水發熱的

 

剛剛開的時候，非常大汽油味，過左一陳就冇 

 

夜晚的禮文島真係有點凍，沒想到已經7月，仲要開暖爐...

 

 

民宿特色就是共用洗手間和浴室，但呢度唔使共用浴室，因為根本沒有浴室...

 

 

刷牙和洗臉就係呢度，記得第二天早上  

 

我刷緊牙時，日本大姐就企係我旁邊化妝...

 

 

有兩個廁所，左邊是男性專用，右邊是男女共用(有馬桶)

 

 

係房Hea緊時，大叔突然黎搵我  

 

比條浴巾我，佢話呢度沒有浴室，要沖涼就要去附近的大澡堂  

 

佢見我拾下拾下冇反應，以為我聽唔明，就直接拉我出去叫我上佢架車...   

 

原來他直接車我去澡堂，比左張洗澡卷佢就走左...  

 

可能禮文島大部份民宿都沒有浴室，沖涼時見到頗多日本人...  

 

返到民宿，距離晚餐仲有兩粒鐘，悶悶地又係附近行下 

 

野奇水產，有很多新鮮海膽賣

 

 

附近有幾間小型民宿

 

 

禮文島碼頭

 

 

呢度就係剛剛沖涼的礼文島温泉 うすゆきの湯

 

 

除左汽車，仲有單車和電單車租

 

 

碼頭對面，有日產和豐田租車辦公室

 

 

終於到左晚餐的時間

 

 

晚餐係打邊爐

 

 

可惜唔係食肥牛，係食新鮮魷魚片

 

 

晚餐食海鮮為主，不過食完唔太飽...

 

 

食完就返房，唔好以為有人會幫你鋪床  

 

要自己鋪的，但上面張棉被我好似上下掉轉左...