北国グランドホテル

北国グランドホテル  

尋日係雲丹御殿食左豐富的海膽晚餐  

今晚呢間酒店一泊二食，要2萬9千日元...

所以對今晚的晚餐非常有期待，不過...  

 

入到房間第一個感覺是，點解間房咁鬼暗，陰陰沉沉的...  

 

個心即刻有少少唔舒服

 

印象中只有泰國的酒店，間房先會咁暗，係日本真係未試過 

 

只有中央冷氣，完全唔覺有冷氣，覺得好悶熱...  

 

以下三張相係開左閃光燈影的

 

 

呢兩張就冇開閃光燈 

 

時間大約係下午4點，日光日白都已經咁鬼暗...  

 

試下開床邊的檯燈，但支燈不停閃下閃下... 都未天黑就玩野??? 

 

電話下面，見到放左本新約聖經...  

 

去咁多次旅行，第一次住酒店，床邊有聖經，感覺開始有點不安...

 

唔通今晚會有奇妙經歷...

 

 

成間房就只有呢兩支燈膽...

 

 

呢張係第二朝早上影的，好光猛 

 

但係夜晚浸完溫泉上返房時，就好鬼陰暗...

 

 

唔想留係間房咁耐，都係去食晚餐先 

 

睇menu，好似好豐富

 

 

晚餐已經準備好  

 

目測成個飯廳坐滿9成人，大約5-60人  

 

99%是日本人，得我一個是外人  

 

見到咁多人陪食飯，個心都定左D

 

如果只係得我一個人，我應該會嚇死，以為去左黑店...

 

 

海鮮刺身

 

 

呢條唔知咩黎，冇食到

 

 

味噌煎魚

 

 

豆腐、蒸蛋、魚子

 

 

毛蟹，好多蟹膏

 

 

 登...登...燈...凳...

 

終於黎到今晚的主角、海膽  

 

 

Are you "福勁" Kidding me!??

 

比左差唔多3萬yen，竟然得呢舊海膽仔.... 

 

海膽蒸飯，仲要係蒸熟的，唔好食...  

 

真係非常失望

 

 

食飯時，遇到一個女侍應原來是從台灣來的，吹左兩下水...

 

老實講，食物都幾好食，唔差的

 

但CP值真係好低，晚餐竟然

 

冇新鮮海膽、冇新鮮海膽、冇新鮮海膽  

 

好重要，所以要講三次....

 

 

 浸完溫泉等lift時，入左lift後突然有一對老夫婦跟住入

 

咁啱呀，你地又係住我個層

 

我出lift先，我行到房門口，見到佢地企係尾房門口...

  

間房昏昏暗暗，唔想自己嚇自己，都係早D訓...

 

咁大個人未試過9點就訓... 

 

我間房係4樓，樓上5樓就係剛剛食晚飯的地方  

 

係床上預備訓時，每隔幾分鐘就聽到樓上搬檯、搬凳、搬野的雜聲  

 

雖然聲音唔大，但係幾分鐘就搬一次，有冇咁多野要搬呀?!